Fimmtudaginn 19. janúar stóðu átta grunnskólar í okkar skólahverfi að sameiginlegri kynningu á framhaldsnámi.  Kynningin fór fram í Fjölbrautaskólanum í Breiðholti og mættu þar fulltrúar 14 framhaldsskóla auk ráðuneytis og Verkiðn og kynntu sitt fyrir nemendum 10. bekkja og foreldrum þeirra. Kynningin tókst í alla staði vel og var mjög ánægjulegt að sjá hversu margir lögðu þangað leið sína.  Fljótlega fara framhaldsskólarnir að auglýsa opin hús og eru nemendur 10. bekkja og foreldrar þeirra eindregið hvattir til að nýta sér þau. Stefnt er að forinnritun í framhaldsskóla  dagana 12. – 30. mars en lokainnritun dagana 14. maí -  8. júní.